(زيان ائتمه ده يم)
گئجه گوندوز گوزليم آه و فغان ائتمه ده يم
چون گوزومله گورورم من كی زيان ائتمه ده يم
بسكه داغ تك سينه ده دردلريمی ساخلاميشام
داها تابيم قوتاريبدير فوران ائتمه ده يم
باشيم اوسته نه تانيش وار نده بير بيگانه
ائله بير وضعيده كی ترك جهان ائتمه ده يم
يئتير ای يار اؤزينی بير ائله ده رحم ائيله
من ائلونده باهارين سانكی خزان ائتمه ده يم
لحظه لر خاطره سين آلميش اليمدن فكرون
گئجه لر تك اوتوروب ياد زمان ائتمه ده يم
آيريليق، دونيامی بير اودلو جهنم ائله ييب
بينوا من هوس باغ جنان ائتمه ده يم
می ايچ عبدالصمدا تا نه قدر وار نفسين
عشق اسرارينی من مئيله عيان ائتمه ده يم
+ نوشته شده در پنجشنبه ششم بهمن ۱۳۹۰ ساعت 11:54 توسط یوســــــــــــف فتــــــــــحی
|
توركون ديلي تك سئوگيلي ، ايستكلي ديل اولماز